Abstract:
Panaliten menika medhar babagan (1) Prosesi Pagelaran Jaran Kepang
Turangga Satria Budaya ing Desa Somongari, Kecamatan Kaligesing, Kabupaten
Purworejo (2) Nilai Estetis Pagelaran Jaran Kepang Turangga Satria Budaya ing
Desa Somongari, Kecamatan Kaligesing, Kabupaten Purworejo (3) Surasa
simbolis ubarampe ingkang dipunginakaken wonten Pagelaran Jaran Kepang
Turangga Satria Budaya ing Desa Somongari, Kecamatan Kaligesing, Kabupaten
Purworejo.
Panaliten menika ngginakaken jinising panalitenan alisis deskriptif
kualitatif. Sumber data wonten panaliten menika awujud ukara ingkang
dipunpendhet wonten ing cariyos saking tiyang asli Desa Somongari. Subjek
paneliten inggih menika perangkat desa, sesepuh desa, anggota paguyuban
kesenian jaran kepang. Objek panaliten inggih menika (1) Prosesi Pagelaran
Jaran Kepang Turangga Satria Budaya ing Desa Somongari, Kecamatan
Kaligesing, Kabupaten Purworejo, (2) Nilai Estetis Pagelaran Jaran Kepang
Turangga Satria Budaya, (3) Surasa simbolis ubarampe ingkang dipunginakaken
wonten Pagelaran Jaran Kepang Turangga Satria Budaya ing Desa Somongari,
Kecamatan Kaligesing, Kabupaten Purworejo.
Papan panggenan panaliten wonten ing Desa Somongari, Kecamatan
Kaligesing, Kabupaten Purworejo. Teknik pengumpulan data inggih menika
ngginakaken teknik observasi, wawancara, dokumentasi, lan analisis data. Teknik
analisis data ingkang dipunginakaken inggih menika analisis data kualitatif.
Salajengipun teknik keabsahan data ngginakaken triangulasi.
Asilipun panaliten Pagelaran Jaran Kepang Turangga Satria Budaya ing
Desa Somongari, Kecamatan Kaligesing, Kabupaten Purworejo inggih menika (1)
sakderengipun pagelaran yaiku; (a) resik-resik lan ndamel panggung, (b)
ndamel ubarampe utawi sesajen, (c) nyekar wonten pepundhen, (d) obong
menyan. (2) pagelaran jaran kepang dipunwiwiti, wonten: tari pambuka, tari
persembahan, tari sekar taji, tari rampak muda, tari suka-suka, ndadi/kesurupan,
dan(3) pungkasan pagelaran jaran kepang yaiku gendhingan. Nilai kaendahan
pagelaran Jaran Kepang Turangga Satria Budaya wonten ing; (a) tarian, (b) tata
busana, (c) tata rias, (d) gamelan, (e) lagu. Ubarampe ingkang nggadahi makna
simbolis wonten pagelaran Jaran Kepang inggih menika (a) tumpeng, (b) ayam
panggang, (c) gedhang raja, (d) gemblong, (e) wajik, (f) kupat lepet, (g) bonangbaneng,
(h) arang-arang kambang, (i) beras lan telur, (j) kinang lan rokok, (k)
wedang kopi, wedang teh, wedang asem (l) jenang abang putih, (m) pupur, sisir,
lan kaca, (n) peyek, (o) kembang lan menyan, (p) badeg, (q) sekar setaman, (r)
degan.
