Abstract:
Panaliten menika gadhah ancas : (1) ngandharaken nilai moral teks Serat
Brata Sunu lan (2) ngandharaken relevansi isi teks Brata Sunu.
Teori ingkang dados pathokan inggih menika teorinipun Zuriah (2007)
ingkang mratelakaken bilih moral menika kalebet salah satungalling bab ingkang
nuntun solah tingkah lan pikiran manungsa supados nindakaken laku utama.
Metode ingkang dipunginakaken wonten ing panaliten menika inggih
menika metode deskriptif kualitatif. Data dipunkempalaken ngginakaken teknik
baca lan teknik catat. Sumber data arupi naskah Serat Brata Sunu ingkang
kasimpen ing Musium Rekso Pustaka Surakarta. Instrumen penelitian ingkang
dipunginakaken arupi kartu data minangka sumber instrumen kabiyantu bukubuku
ingkang relevan kalihan penelitian.
Asil paneliten teks serat Brata Sunu kasebat, inggih menika wonten ing
teks Serat Brata Sunu kathah ngemot nilai moral ingkang taksih relevan
dipuntindakaken para mudha ing madyaning bebrayan. Nilai moral kala wau
inggih menika bab (1) sesambetaning manungsa kaliyan gusti ngengingi ketaatan
dhumateng Gusti ; (2) sesambetan manungsa kalihan manungsa, ngengingi
ketaatan dhumateng tiyang sepuh, guru lan pamerintah, nilai kerukunan, adab
sopan santun, sisihan ingkang mituhu, ugi ngengingi hak antawisipun priya lan
wanita ingkang kedah sedrajad ; lan (3) sesambetan manungsa kaliyan dhiri
pribadhinipun arupi mangertosi dhiri saking badaning manungsa.
