KAJIAN FOLKLOR TRADISI MERTI DHUSUN DI DUSUN TUGONO DESA KALIGONO KECAMATAN KALIGESING KABUPATEN PURWOREJO

Abstract

Penelitian menika medhar babagan (1) Prosesi tradhisi merti dhusun ing dhusun Tugono, (2) Ginanipun tradhisi merti dhusun ing dhusun Tugono, (3) Surasa simbolik ubarampe ingkang dipun ginakaken wonten tradhisi merti dhusun ing dhusun Tugono. Penelitian “Kajian Folklor Tradisi Merti Dhusun di Dusun Tugono, Desa Kaligono, Kecamatan Kaligesing, Kabupaten Purworejo” ngginakaken cara pendhekatan emik, wonten mriki peneliti budhaya menika dhasaripun wonten cariyosipun utawi punapa kemawon saking tiyang asli mriku. Jenis penelitian ngginakaken cara deskriptif kualitatif. Subjek penelitian inggih menika kepala dhusun Tugono, sesepuh dhusun Tugono, warga dhusun Tugono, lan warga sekitar dhusun Tugono. Objek penelitian inggih menika prosesi tradhisi merti dhusun, fungsi tradhisi merti dhusun, lan Surasa simbolik ubarampe ingkang dipun ginakaken wonten tradhisi merti dhusun ing dhusun Tugono. Lokasi penelitian wonten ing dhusun Tugono, dhesa Kaligono, kecamatan Kaligesing, kabupaten Purworejo. Teknik pengumpulan data ngginakaken teknik observasi, wawancara, dokumentasi, lan analisis isi. Teknik analisis dhata ingkang dipun ginakaken inggih menika analisis interaktif. Teknik keabsahan dhata ngginakaken cara triangulasi. Asilipun penelitian inggih menika (1) prosesi tradhisi merti dhusun ing dhusun Tugono inggih menika (a) resik-resik dhusun lan makam, (b) ziarah kubur, (c) tayub siang, (d) ngumpulaken jolen, (e) kirab diterasaken tayub dumugi enjang. (2) Ginanipun tradhisi merti dhusun ing dhusun Tugono inggih menika (a) Guna Sosial, (b) Guna Ritual, (c) Guna Nglestantunaken Tradisi, (d) Guna Tontonan, (e) Guna Pendidikan, (f) Guna Ekonomi. (3) Ubarampe ingkang nggadhahi makna simbolis, inggih menika: (a) Tumpeng robyong, (b) Tumpeng tunjung, (c) Tumpeng rasul lan ayam ingkung, (d) Bonang baning, (e) Jenang abang putih, (f) Sega golong lima, (g) Ambeng kalih, (h) Sekul sepuh, (i) Jajan rakan, (j) Jajan pasar.