Abstract:
Panaliten punika ancasipun kangge mangertosi: (1) lampahipun model
NHT (Numbered Head Together) wonten ing kaprigelan nulis paragraf aksara
Jawa ing siswa kelas VIII E SMP Negeri 1 Sruweng; (2) paningkatan kaprigelan
nulis paragraf aksara Jawa kanthi ngginakake model NHT (Numbered Head
Together); lan (3) paningkatan motivasi pasinaon nulis paragraf aksara Jawa
sasampunipun ngginakake model NHT (Numbered Head Together).
Subjek panaliten inggih punika guru lan siswa kelas VIII E SMP Negeri
1 Sruweng taun ajaran 2012/ 2013 wonten ing materi nulis paragraf aksara Jawa
kanthi model NHT (Numbered Head Together). Panaliten Tindakan Kelas punika
kaperang dados tigang tahap inggih punika pra siklus, siklus I, lan siklus II.
Pangempalan data ngginakake teknik tes lan non tes. Tes dipunginakake kangge
mangertosi kaprigelan siswa mangsuli pitakonan, menawi non tes arupi observasi,
angket, catatan lapangan, lan dokumentasi. Teknik analisis data arupi teknik
analisis deskriptif kangge nganalisis data kaprigelan nulis paragraf aksara Jawa
kanthi model NHT (Numbered Head Together).
Saking asil panaliten saged dipunmangertosi nilai rata-rata saking tahap
pra siklus 35,16, siklus I 72, menawi siklus II 84,42. Saking tahap pra siklus
dumugi siklus I ningkat 36,84, siklus I ngantos siklus II saged ningkat 12,42.
Menawi ketuntasan saking pra siklus 6,25%, siklus I 46,88%, lan siklus II
87,50%. Saking pra siklus dumugi siklus I ningkat 40,63%, saking siklus I
ngantos siklus II saged ningkat 40,62%. Semanten ugi motivasi pasinaon saking
siklus I dumugi siklus II saged ningkat 18,75% wonten ing pilihan sanget sarujuk
inggih punika siswa tertarik tumut pasinaon basa Jawa. Fakta ingkang kados
mekaten ingkang nedahaken menawi model NHT dipuntampi, saged
dipunartosaken pasinaon nulis paragraf aksara Jawa kanthi model NHT langkung
sae tinimbang saderengipun
